ក្រុមឥន្ទ្រីដែកអាល្លឺម៉ង់ បានយកឈ្នះលើអ៊ុយក្រែន ២-០ ក្នុងការប្រកួតដំបូង Euro 2016 វគ្គសន្សំពិន្ទុពូល C នាកីឡដ្ឋាន Stade Pierre-Mauroy ទីក្រុង Lille កាលពីយប់មិញ។
២គ្រាប់របស់ក្រុមម្ចាស់ជើងឯក World Cup 2014 នេះរកបានដោយខ្សែការពារ Shkodran Mustafi របស់ក្រុម Valencia តែតនៅនាទី១៩ និង១គ្រាប់ទៀតស៊ុតដោយខ្សែបម្រើ Bastian Schweinsteiger របស់ក្រុម Manchester United នៅចុងម៉ោងនាទី៩០+២។
លទ្ធផលនេះមានន័យថា អាល្លឺម៉ង់ នៅតែមិនដែលចាញ់អ៊ុយក្រែន ដោយជួបឈ្នះ៦ប្រកួត ឈ្នះ៣ ស្មើ៣ ហើយក៏មិនដែលចាញ់នៅប្រកួតដំបូង Euro ដែរ ដោយលេង១២ដង ឈ្នះ៧ ស្មើ៥។
រីឯ១គូនេះក្នុងពូល C នេះដែរ ប៉ូឡូញបានយកឈ្នះលើអៀរឡង់ខាងជើង ១-០ ស៊ុតដោយខ្សែប្រយុទ្ធ Arkadiusz Milik របស់ក្រុម Ajax នៅនាទី៥១។ ដូច្នេះក្នុងពូល C អាល្លឺម៉ង់ បានឡើងឈរកំពូលតារាងបណ្ដោះអាសន្ន។
ដោយឡែកនៅពូល D ឯណោះវិញ ក្រូអាតបានយកឈ្នះលើទួរគី ១-០ ដែល១គ្រាប់នេះ ស៊ុតកាប់ Volley ដ៏អស្ចារ្យរបស់ខ្សែបម្រើ Luka Modric ក្រុម Real Madrid នៅនាទី៤១៕
ប្រែសម្រួល៖ វិន ជីវ័ន្ត
ប្រភព៖ sabay
ប្រភព៖ sabay
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment