សិស្ស​ប្អូន GTX 1080 និង 1070 ត្រៀម​បង្ហាញ​ខ្លួន​នា​សប្ដាហ៍​ក្រោយ​នេះ! តម្លៃ​ក៏​ធូរ​ថ្លៃទៀត!

មិនខុសពីរាល់ដងឡើយ រាល់ពេលក្រុមហ៊ុន nVIDIA ប្រកាសចេញ ក្រាហ្វិចកាត ជំនាន់ថ្មីៗ របស់ខ្លួន nVIDIA មិនត្រឹមតែមាន ក្រាហ្វិចកាត តម្លៃថ្លៃៗ កម្លាំងខ្លាំង នោះទេ វាក៏មាន ក្រាហ្វិចកាត ធុនមធ្យម ផងដែរ ដើម្បីផ្គត់ផ្គង់ ទៅដល់អតិថិជន ខ្លួនមួយចំនួន ដែលមាន ថវិកាតិច គ្មានលទ្ធភាព ទិញយកក្រាហ្វិច ស៊េរីកប់ៗ មកប្រើ។ ឆ្នាំ 2016 នេះក៏ដូចគ្នា ទៅនឹងឆ្នាំ 2014 ផងដែរ ដែលកាល នោះ nVIDIA បានបញ្ចេញ GTX 980, GTX 970 ថែមទាំងចេញ GTX 960 និង GTX 950 Ti ថែមទៀត ដែលវាទៅ តាមតម្លៃ និងកម្លាំង របស់វា ចំនែកលើកនេះ វិញបន្ទាប់ពី GTX 1080 និង GTX 1070 បានចេញលក់ ក្នុងទីផ្សារ បានប្រមាណ ជាជិត 1 ខែជាងកន្លង មកនេះ នៅពេលនេះ យើងបានប្រទះ ឃើញរូបរាង របស់ nVIDIA GeForce GTX 1060​ ជាលើក ដំបូងហើយ ដែលវាមើល ទៅរាងតូច ជាងរាមច្បង វាបន្តិច រីឯរូបរាង គឺប្រហាក់ ប្រហែលគ្នា មើលទៅខ្លាំង និង Sexy ថែមទៀត។

អ្នកប្រហែលជាចង់ដឹងអំពីកម្លាំងរបស់ក្រាហ្វិចកាតនេះ ហើយមើលទៅ តែគួរឲ្យស្ដាយ ពុំទាន់មាន ប្រភពពត៌មាន ណាបានប្រកាស ចេញអំពី Specs ឬកម្លាំងរបស់វា នៅឡើយ ព្រោះ nVIDIA គឺនៅ ស្ងាត់ស្ងៀមមិនទាន់ ទម្លាក់ពត៌មាន ឲ្យយើងបាន ដឹងអំពីវា នៅឡើយ ក៏ប៉ុន្តែពាក្យ ចចាមអារ៉ាម មួយចំនួនបាន លើកឡើងថា GTX 1060 នេះអាចនឹង មានទំហំ មេម៉ូរីចាប់ពី 3GB ទៅ 6GB ដោយវា ជាប្រភេទឈីប GDDR5 សម្រាប់ប្រើប្រាស់ ជាមួយនឹងរន្ធ PCI-E ថែមទាំង ស៊ីភ្លើងនៅ ចន្លោះពី 100W ទៅ 125W ប៉ុណ្ណោះ ដោយប្រើប្រាស់ រន្ធភ្លើង 6-pins។ សិស្សប្អូនរបស់ GTX 1080 និង 1070 នេះនឹងត្រៀម បង្ហាញខ្លួន និងប្រកាសចេញ ជាផ្លូវការ នៅថ្ងៃទី 7 ខែកក្កដា ឆ្នាំ 2016 ខាងមុខនេះ គឺ 1 សប្ដាហ៍ទៀត ចាប់ពីថ្ងៃនេះ ដែលត្រូវធ្វើ ឡើងនៅក្នុង ក្លឹបរាត្រី មួយឈ្មោះ Therapy ស្ថិតនៅ ក្នុងទីក្រុង Melbourne ប្រទេសអូស្ត្រាលី។ ប្រភពពត៌មាន ត្រូវបានបង្ហើប ឲ្យដឹង ទៀតថា វាគឺជាដៃគូ ប្រកួតប្រជែង ជាមួយក្រាហ្វិច កាតរបស់ AMD ដែលប្រើ ប្រាស់ឈីប Polaris មានតម្លៃ ធូរថ្លៃ ដោយវាអាច នឹងចេញលក់ នៅក្នុង តម្លៃចន្លោះពី 220$ ទៅ 250$ ក្នុងទីផ្សារ អន្តរជាតិ។

នេះគឺជាដំណឺងល្អមួយសម្រាប់អ្នកកំពុងត្រៀមទិញ ក្រាហ្វិចកាត មានតម្លៃ ធូរថ្លៃរបស់ nVIDIA ស៊េរីថ្មីក្នុង ត្រកូល GTX ព្រោះ GTX 1060 នេះនឹង មិនចាញ់ AMD Radeon RX480 ដែល Cambo Report បានចេញផ្សាយ កាលពីម្សិលមិញ នោះទេ តែយើង ក៏មិនហ៊ាន និយាយឲ្យអស់ ថាមួយណា ខ្លាំងជាងមួយ ណានោះដែរ ព្រោះវានៅ មិនទាន់បានប្រកាស អំពីកម្លាំង ពិតប្រាកដ នៅឡើយ។ ម្យ៉ាងវិញទៀត GTX 1050 អាចនឹងមាន វត្តមាន នាពេលក្រោយ ផងដែរ សម្រាប់អ្នក ចង់បាន ក្រាហ្វិចរបស់ nVIDIA ដែលមាន តម្លៃក្រោម 200$ តែមិន ដឹងថា nVIDIA អាចគ្រោងចេញ GTX 1050 ដែរឬ យ៉ាងណាទេ ព្រោះ 1060 នេះតម្លៃ 250$ ប៉ុណ្ណោះ បើចេញ 1050 ទៀតមាន តែខ្ទង់ 150$ ទៅ 200$។ សម្រាប់ពត៌មាន បន្ថែមជុំវិញ GTX 1060 នេះកុំភ្លេច តាមដាន ជាមួយពត៌មាន លើកក្រោយ ទៀតរបស់ Netpro168។