កំណែ Update ធំ​មួយ​របស់ Windows 10 ត្រៀម​នឹង​មក​ដល់​នា​ខែ​សីហា​ខាង​មុខនេះ

បន្ទាប់ពី Windows 10 បាន ប្រកាសចេញ ឲ្យប្រើប្រាស់ ជាផ្លូវការ រួចមក កំណែ Update ថ្មីៗជា ច្រើន ត្រូវ បាន បើក ឲ្យ Update ជា បន្ត បន្ទាប់ ខ្លះជា កំណែ Update តូច ធម្មតា ហើយខ្លះក៏ជាកំណែ Update ធំផងដែរ ដោយរ៉េទៅតាមការវិវឌ្ឍន៍ខ្លួននៃការអភិវឌ្ឍន៍ Windows ឲ្យដំណើរការបានកាន់ តែ រលូន ពី សំណាក់ Microsoft។ មនុស្សមួយចំនួន ប្រហែលជាមិនខ្វល់អំពីកំណែ Update របស់ Windows ឡើយ ព្រោះពួកគេកំពុងប្រើប្រាស់ Windows ខុសច្បាប់ គ្មាន License ត្រឹមត្រូវដូច្នេះ កំណែ Update យ៉ាង ម៉េចនោះក៏មិនមែនចោទជាបញ្ហាដែរ តែសម្រាប់អ្នកកំពុងប្រើប្រាស់ Windows License វិញ ប្រហែល ជា សប្បាយចិត្ត ព្រោះនៅពេលកំណែ Update ធ្លាក់មកដល់ម្ដងៗ គឺតែងតែពាំនាំនូវអ្វីមួយ ដែល ថ្មី ហើយប្លែក ដោយពួកគាត់ឲ្យទទួលបានមុនគេ ប្រើបានមុនគេ ស្គាល់រសជាតិមុនគេ។

ជាក់ស្ដែងកំណែ Update ដ៏ធំមួយផ្សេងទៀតនាឆ្នាំ 2016 នេះពី Microsoft សម្រាប់ Windows 10 ទាំង ប្រភេទ 32-bit និង 64-bit នឹងត្រៀមមកដល់នាថ្ងៃទី 2 ខែសីហា ឆ្នាំ 2016 ខាងមុខនេះ ដោយ យើង បាន ទទួល ពត៌មានមកថា កំណែ Update នោះគឺជាកំណែ Update គំរប់ខួបរបស់ Windows 10 Anniversary Update ដោយវាធ្វើការផ្ដោតសំខាន់ទៅលើកំណែទម្រង់ក្នុងការប្រើប្រាស់ Windows ឲ្យ កាន់ តែ មានភាពងាយស្រួល រហ័ស និងគ្មានភាពរអ៊ាក់រអ៊ួល នៅពេលប្រើប្រាស់ជាមួយ Stylus ថែម ទាំង ផ្ដល់ ឱកាសទៅដល់ឧបករណ៍ផ្សេងៗទៀត ដែលដំណើរការដោយ Windows 10 កំពុងមាន វត្តមាន ក្នុងទីផ្សារបច្ចុប្បន្ន។ លើសពីនេះទៅទៀត Microsoft នឹងផ្ដោតសំខាន់ទៅលើមុខងារ Engineering ក្នុងការបង្កើនសមត្ថភាពរបស់ Windows Hello និង Cortana ឲ្យកាន់តែឆ្លាតជាងមុន ដើម្បីជួយទៅដល់អ្នកប្រើប្រាស់ក្នុងការប្រើ Windows 10 ឲ្យកាន់តែមានប្រសិទ្ធភាពជាងមុន ថែម ទាំង បង្កើន សមត្ថភាពទៅលើកម្មវីធី Web Browser និង Edge ឲ្យវាមានដំណើរការថ្មីៗ និងអនុញ្ញាតឲ្យវា ប្រើប្រាស់ ជាមួយកម្មវិធីបែប Third-party បង្កើតឡើងដោយក្រុម Developer បានផងដែរ។

ទាំងអស់នេះនៅមិនទាន់អស់នៅឡើយទេ គឺនៅមានមុខងារមួយចំនួនផ្សេងទៀត ដែល Microsoft នៅមិនទាន់បង្ហាញប្រាប់យើងឲ្យបានដឹងនៅឡើយ តែបើវាចេញឲ្យ Update នោះ បើអ្នកពុំមាន Windows មាន License ត្រឹមត្រូវនោះទេ គឺត្រូវចំនាយសាច់ប្រាក់ដល់ទៅ 119$ (តម្លៃក្នុងទីផ្សារ អន្តរ ជាតិ) ដើម្បីទិញយក Windows 10 មកតម្លើងប្រើប្រាស់លើកុំព្យូទ័ររបស់អ្នក ជាមួយ នឹងកំណែ Update នោះមានស្រាប់។ ចំនែកឯអ្នកកំពុងប្រើ Windows 10 មាន License ត្រឹមត្រូវហើយនោះ អ្នក អាច ធ្វើការ Update Windows បានដោយស៊េរីមិនគិតប្រាក់ឡើយ។ ចង់ដឹងអំពីកំណែ Update

ដ៏ធំ នេះ មានអ្វីខ្លះបន្ថែមទៀតនោះកុំភ្លេចតាមដានជាមួយពត៌មានលើកក្រោយទៀតជាមួយ Network professional។