មេ​ ​Amazon​ ​ឡើង​ទៅ​បោក​ដប​ស្រា​លើ​អាកាស​ យ៉ាង​ព្រងើយ

លោក​ ​Jeff Bezos​ ​នាយក​ប្រតិបត្តិ​ផ្សា​រ​ទំនិញ​អនឡាញ​ធំ​បំផុត​របស់​អាមេរិក​ ​Amazon​ ​បាន​បង្ហោះ​វីដេអូ ដោយ​លោក​បាន​ឡើង​លើ​ស្ថានីយ​កង្ហារ​ខ្យល់​ផលិត​អគ្គិសនី​មាន​កម្ពស់​ប្រមាណ​ ​១៤៩​ ​ម៉ែត្រ​ពី​ដី​ ​ហើយ​បោក​ដប​ស្រា​សំ​ប៉ា​ញ​យ៉ាង​ព្រងើយ។

ការ​បោក​ដប​ស្រា​សំប៉ាញ​លើ​ស្ថានីយ​កង្ហារ​ខ្យល់​ផលិត​អគ្គិសនី​នេះ​ ​ជា​ការ​សម្ពោធ​​និង​ដាក់​ដំណើរការ​បច្ចេកវិទ្យា​ផលិត​អគ្គិសនី​ដើរ​​ថាមពល​ខ្យល់​ សម្រាប់​ផ្គត់ផ្គង់​ឲ្យ​មជ្ឈមណ្ឌល​ទិន្នន័យរបស់​ក្រុមហ៊ុន​ ​Amazon។

ការ​ដំណើរការ​ស្ថានីយ​ផលិត​អគ្គិសនី​ដើរ​ដោយ​ថាមពល​ខ្យល់​នេះ​ ​Amazon​ ​បាន​​ប្រកាស​ថា​ ​ពួក​គេ​នឹង​ក្លាយ​ជា​ក្រុមហ៊ុន​ប្រើប្រាស់​អគ្គិសនី​ទាញ​ពី​ថាមពល​កកើត​ឡើង​វិញ​ទាំង​ស្រុង​ក្នុង​ពេល​ដ៏​ខ្លី​ខាង​មុខ។

​ថាមពល​កកើត​ឡើង​វិញ​ ​គឺ​សំដៅ​លើ​ថាមពល​ដែល​ទាញ​យក​ពី​ធម្មជាតិ​ដែល​មិន​ចេះ​អស់​​ ​​ដែល​មាន​ដូច​ជា​ ​ទឹក (ទំនប់​វារីអគ្គិសនី), ខ្យល់ (កសិដ្ឋាន​ខ្យល់)​ ​និង​ពន្លឺ​ព្រះ​អាទិត្យ (បន្ទះ​សូឡា) ៕

ប្រពភ៖Sabay