លោក Justin Rosenstein ជាវិស្វករកម្មវិធីដែលបានបង្កើតប៊ូតុង Like ក្នុងឆ្នាំ ២០០៧ លើ Facebook ថ្មីៗនេះបានសម្រេចលុបចោលកម្មវិធី Facebook ពីទូរសព្ទដៃខ្លួន។ ហេតុផលគួរឲ្យចាប់អារម្មណ៍ម្យ៉ាង លោកបានប្រាប់ថានោះមកពីភាពភ័យខ្លាចនៃបណ្ដាញសង្គមដែលអាចធ្វើឲ្យប៉ះពាល់ដល់ផ្លូវចិត្តមនុស្សជុំវិញពិភពលោក។បុរសវ័យ ៣៤ ឆ្នាំក្រៅពីលុប Facebook ចោល ក៏បាន Block គណនីចេញពី Reddit និង Snapchat ហើយបច្ចុប្បន្នកំពុងទិញ iPhone ថ្មី តែប្រាប់ជំនួយការឲ្យដំឡើងមុខងារពិសេសមិនអាចដំឡើងកម្មវិធីអ្វីបានទាំងអស់។
លោក Rosenstein បានថ្លែងទៀតថា "វាជារឿងធម្មតាដែលមនុស្សព្យាយាមអភិវឌ្ឍអ្វីដែលល្អបំផុត ប៉ុន្តែក៏បានជះផលវិបាកឬផលអវិជ្ជមានខ្លះត្រលប់មកពួកគេវិញ"។
រំឭកកាលពីឆ្នាំ ២០១៦ ការសិក្សាមួយបានបង្ហាញ បើយុវវ័យចំណាយពេលលើបណ្ដាញសង្គមកាន់តែច្រើន ឥទ្ធិពលនៃជំងឺបាក់ទឹកចិត្តនឹងឆាប់កើតមានលើពួកគេរហ័សបំផុត។ ជាពិសេសគឺបណ្ដាញសង្គម Instagram ដែលបច្ចុប្បន្នមានអ្នកប្រើប្រមាណ ៧០០ លាននាក់។
ប្រភព៖Sabay
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment