ហេតុអ្វី​បាន​ជា​អ្នក​ត្រូវការ​ ​VPN?

VPN (Virtual private network)​ ​ជា​វិធី​ដ៏​ល្អ​បំផុត​ក្នុង​ការ​ផ្ដល់​សុវត្ថិភាព​ដល់​ទិន្នន័យ​ ​ព្រោះ​វា​បង្កើត​នូវ​ផ្លូវ​លក្ខណៈ ​Virtual​ ​ដែល​បាន ​Encrypted​ ​រវាង​អ្នក​ប្រើប្រាស់​ ​និង​ ​Remote server​ ​ដំណើរការ​ដោយ​ ​VPN service។ រាល់​ ​Traffic អ៊ីនធឺណិត​នៅ​ខាងក្រៅ​ត្រូវ​បាន Route​ ​តាម​ផ្លូវ​នេះ​ ​ដូច្នេះ​ ​ISP​ ​(Internet Service Provider)​ ​មិន​អាច​ឃើញ​នូវ​ទិន្នន័យ​អ្នក​នោះ​ទេ​។ ម្យ៉ាងទៀត​ ​ប្រសិនបើ​គេហទំព័រ​ដែល​អ្នក​ប្រើប្រាស់​គឺ​ ​HTTPS​ ​នោះ​ទិន្នន័យ​អ្នក​ក៏​បាន​ ​Encrypted​ ​ផង​ដែរ។

ពិត​ណាស់​ ​មិនមែន​មាន​តែ​កុំព្យូទ័រ​ ​និង​ទូរសព្ទ​ប៉ុណ្ណោះ​ទេ​ ​ដែល​ភ្ជាប់​ទៅ​នឹង​អ៊ីនធឺណិត ក៏​មាន​នូវ​ផលិតផល​ជាច្រើន​ដូចជា​ ​Smart home ជាដើម​។ ម្យ៉ាង​វិញ​ទៀត បច្ចុប្បន្ន មាន​ការ​ប្រើប្រាស់​នូវ​ ​Voice-UI assistants​ ​ជាច្រើន​ដូច​ជា​ ​Alexa, Google Home​ ​ដើម្បី​ជួយ​ដល់​ការងារ​ស្មុគស្មាញ ​និង​ផ្ទាល់​ខ្លួន​មួយ​ចំនួន​។​

Device ទាំងនេះ​អាច​ដឹង​ច្រើន​ពី​អ្នក និង​គ្រួសារ​អ្នក​។ ប្រសិនបើ​អ្នក​ចង់​ប្រើប្រាស់ Service ទាំង​នេះ​ជាមួយ​នឹង ​VPNs​ ​អ្នក​ប្រហែល​ជា​ត្រូវការ​ដំណោះ​ស្រាយ​ដោយ​ផ្អែក​លើ Router។ VPN service ជា​ច្រើន​ផ្ដល់​នូវ​លក្ខណៈ​បែប​នេះ ​ប៉ុន្តែ​ប្រហែល​ជា​ត្រូវ​ទិញ​នូវ ​Hardware​ ​បន្ថែម ​ដូចជា NordVPN ដែល​ផ្ដល់​នូវ​ ​VPN routers​ ​ជាច្រើន ក្នុង​ការ​គ្រប​ដណ្ដប់​លើ​រាល់ ​Device​ ​ដែល​បាន​ភ្ជាប់​៕