ជារៀងរាល់សប្ដាហ៍ Sabay តែងតែលើកយកមកបង្ហាញនូវពាក្យបច្ចេកទេសថ្មីចំនួន ៣ ចែកជូនទៅកាន់អ្នកទាំងអស់គ្នា។ ថ្ងៃនេះពាក្យ ៣ ផ្សេងទៀតរួមមាន Antenna, Contrast និង Beta ដែលយើងផ្ដោតជុំវិញការប្រើប្រាស់លើស្មាតហ្វូនសុទ្ធសាធ។
១.Antenna
សំដៅទៅអង់តែនទូរសព្ទ ដែលកាលពីជាង ១ ទសវត្សរ៍មុន យើងរមែងសង្កេតឃើញដែកបញ្ឈរពណ៌សវែងមួយ ដាក់ជាប់ផ្នែកខាងលើឬខាងក្រោមទូរសព្ទ។ បែបនេះគេហៅថា External Antenna ធ្វើឲ្យយើងមើលឃើញនឹងភ្នែកច្បាស់ក្រឡែតតែម្ដង។ លុះវិវត្តចូលមកស្មាតហ្វូនបច្ចុប្បន្ន គេសម្រេចដកការរចនានោះចោល ដោយច្នៃប្រឌិតលាក់ចូលខាងក្នុងតួម៉ាស៊ីនវិញ បែបនេះគេហៅវាថា Internal Antenna។
មិនត្រឹមតែដើរតួជាឧបករណ៍បញ្ជូននិងទទួលរលកវិទ្យុមួយមុខនោះទេ ទៀតសោតទូរសព្ទស៊េរីចាស់ខ្លះ ក៏ត្រូវការវាដើម្បីដំណើរការប៉ុស្តិ៍ទូរទស្សន៍ទៅបាន។ ចំពោះបែបបទរចនាវិញគេបានសម្រិតសម្រាំងនិងប្រុងប្រយ័ត្នយ៉ាងខ្លាំងនូវទំហំនិងរូបរាង ដើម្បីឲ្យស្របទៅតាមប្រភេទរលកវិទ្យុដែលត្រូវបញ្ជូននិងទទួល។ ឧទាហរណ៍: Galaxy S3 របស់កូរ៉េក៏ធ្លាប់មានអង់តែនមកជាមួយដែរ។
២.Contrast
និយាយពីកម្រិតបង្ហាញអេក្រង់និងការថតរូប Contrast សំដៅទៅដល់ភាពខុសគ្នានៃពន្លឺរវាងពណ៌ភ្លឺនិងពណ៌ងងឹត។ ក្នុងការថតរូប បើកាលណា Contrast ទាប នោះកម្មវត្ថុ (Subject) ដែលត្រូវមានពណ៌រាងសភ្លឺ និងប្រែទៅជាពណ៌ប្រផេះស្រាល ហើយបើកាលណាកម្មវត្ថុដែលមានពណ៌ខ្មៅ នឹងលេចឡើងជាពណ៌ប្រផេះងងឹត។
Contrast បែងចែកជា ២ ប្រភេទរួមមាន Tonal Contrast (TC) និង Color Contrast (CC)។ TC សំដៅទៅភាពខុសគ្នា នៃកម្រិតពណ៌ស្រាលលេចឡើងជាពណ៌ងងឹត ឬម្យ៉ាងទៀតអាចថាពីពណ៌សទៅជាពណ៌ប្រផេះនិងពណ៌ខ្មៅ។ ចំណែកឯ CC សំដៅទៅកម្រិតពណ៌មួយ ដែលមានទំនាក់ទំនងជាមួយពណ៌ឯទៀត។
៣.Beta
Beta ជាពាក្យដែលត្រូវបានគេប្រើដើម្បីសំដៅទៅផ្នែក Hardware ឬ Software ក្នុងការចេញផ្សាយឲ្យប្រើប្រាស់ជាលក្ខណៈសាកល្បង។ វាមិនទាន់ទទួលស្គាល់ពេញលេញនៅឡើយ ជាញឹកញយរមែងឃើញក្រុមហ៊ុន Apple និង Google បានបញ្ចេញកំណែប្រព័ន្ធប្រតិបត្តិសាកល្បង (Beta) ហើយពួកគេរង់ចាំទទួលការឆ្លើយតបពី Developer ជុំវិញបញ្ហាឬកំហុសបច្ចេកទេសណាមួយ ដើម្បីបង្គ្រប់ឲ្យបានល្អនៅថ្ងៃចេញកំណែផ្លូវការ (Final Version)។
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment