ទូរស័ព្ទម៉ូដែលមាន 3G Nokia 3310 ដែលទើបត្រូវបានប្រកាសផ្លូវការពីខែមុន ពេលនេះមានដាក់ឱ្យកុម្ម៉ង់ទិញនៅលើទីផ្សារអឺរ៉ុបហើយ។ សមិទ្ធផលថ្មីរបស់ក្រុមហ៊ុនទូរស័ព្ទហ្វាំងឡង់នេះ នឹងមានលក់នៅលើហាងលក់រាយ Digitalo នៅទីផ្សារអឺរ៉ុប ដែលមានតម្លៃ ៦៩អឺរ៉ូ ឬប្រហែល ៨៣ដុល្លារអាមេរិក ហើយនឹងចែកចាយដល់ដៃអតិថិជនចាប់ពីខែវិច្ឆិកាខាងមុខ។ទូរស័ព្ទ 3310 ស៊េរីឆ្នាំ២០១៧ ម៉ូដែលមាន 3G ថ្មីនេះ ភ្ជាប់លក្ខណៈសម្បត្តិដូចគ្នានឹងម៉ូដែល Nokia 3310 ដែលបានប្រកាសកាលពីចុងខែកុម្ភៈ ដើមឆ្នាំ២០១៧ នេះដែរ គ្រាន់តែបានបញ្ចូលបន្ថែមនូវប្រព័ន្ធបណ្ដាញឡើងពី 2.5G ទៅ 3G ទំនើបជាងមុន។
Nokia 3310 មាន 3G ថ្មីនេះ ភ្ជាប់មកជាមួយអេក្រង់ទំហំ ២,៤អ៊ីញមាន resolution ទំហំ 240x320px ហើយបំពាក់កាមេរ៉ា 2MP និងមានរន្ធកាស 3.5mm ហើយថ្មរបស់វា អាចប្រើក្នុងការនិយាយទូរស័ព្ទបានរហូតដល់ ២២ម៉ោងឯណោះ។ក្រុមហ៊ុន HMD Global ដែលជាដៃគូសហការរបស់ Nokia បានប្រកាសចេញ Nokia 3310 3G នេះ កាលពីថ្ងៃទី២៨ កញ្ញា ជាមួយជម្រើសពណ៌ចំនួន៤ គឺ លឿង ក្រហម ខៀវ (azure) និងខ្មៅបែបធ្យូង (charcoal)។ 3310 ជំនាន់ចុងក្រោយនេះ មាននូវប្រព័ន្ធបណ្ដាញ 3G ដែលនឹងចរាចរលើទីផ្សារសិង្ហបុរីផងដែរ គឺចាប់ពីថ្ងៃទី១៤ តុលាខាងមុខ៕
ប្រភព៖Bizkhmer
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment