ក្រោយពេលបញ្ចប់ថ្នាក់ទី១២ ឈាង សុធានី ជាកូនអ្នកខេត្តក្រចេះ បានសម្រេចចិត្តបន្តការសិក្សានៅទីក្រុងភ្នំពេញដោយចាប់យកជំនាញអគ្គិសនីនិងអេឡិចត្រូនិក។ រៀនបណ្ដើរ ធ្វើការងារបណ្តើរនៅសាកលវិទ្យាល័យមួយ សុធានីបានប្រាប់ Sabay ថា នៅពេលរៀនចប់ទី១២ភ្លាម កញ្ញាបានសម្រេចចិត្តមករៀនបន្តនៅទីក្រុងភ្នំពេញ ដោយចាប់យកជំនាញអគ្គិសនីនិងអេឡិចត្រូនិក ព្រោះគិតថាជាជំនាញដែលពុំសូវមានសិស្សស្រីរៀន គួបផ្សំជាមួយចំណង់ចំណូលចិត្តការស្រលាញ់ផងក៏សម្រេចចិត្តរៀនទៅ។
ទោះបីជាជំនាញនេះមិនសូវមានស្រីៗរៀន តែកញ្ញាបានប្រាប់ថា មិនខុសអីនោះទេព្រោះរៀនចប់ក៏អាចធ្វើការបានដូចប្រុសៗដែរ ជាពិសេសបច្ចុប្បន្នគេកំពុងតែត្រូវការស្រីៗទៅធ្វើការនៅលើផ្នែកអគ្គិសនីច្រើន។
ចំពោះការសិក្សាវិញ ធានីបានប្រាប់ថា មានការលំបាកច្រើនដែរគឺនៅឆ្នាំទី១និងទី២ ដោយសារកញ្ញាជាអ្នកមកពីខេត្តពុំសូវស្គាល់ក្រុងនិងខ្វះខាតចំណេះដឹងភាសាអង់គ្លេស សម្រាប់ការស្រាវជ្រាវបន្តិច តែបើចំពោះការរៀនមុខវិជ្ជាក្នុងសាលាវិញមិនមានបញ្ហាអ្វីនេះទេគឺកញ្ញារៀនបានពិន្ទុល្អ។
ក្នុងថ្នាក់រៀនមុខជំនាញអគ្គិសនីដែលហូហៀរដោយសិស្សប្រុសពេញថ្នាក់ យុវតីរូបនេះប្រាប់ថាមិនមានការខ្លាចរអារឬចាញ់ច្រាបនោះទេ។ យុវតីរូបនេះថា នេះមានតែជំរុញទឹកចិត្តឲ្យកញ្ញាខំប្រឹងបន្ថែម ដើម្បីកុំឲ្យគេថាមកពីចាប់ជំនាញខុសធម្មជាតិទើបរៀនមិនកើតនោះ។
កញ្ញាបន្តថា រៀនចប់ចង់ក្លាយជាអ្នកជំនាញ មិនមែនធ្វើជាកម្មករគេនោះទេ។
មិនខុសពីកញ្ញា ធីតា ដែលបានរៀនជំនាញអគ្គិសនីនៅសាលាបច្ចេកទេស NTTI កំពុងសិក្សាឆ្នាំទី២បានប្រាប់ថា៖ "ពេលរៀនដំបូងមានអារម្មណ៍ថាអៀនដែរ ព្រោះមួយថ្នាក់មានតែស្រី២នាក់។ គេសួរខ្ញុំថាស្រីហេតុអីរៀនជំនាញនេះខ្ញុំប្រាប់ថាជាការស្រលាញ់ចូលចិត្តនិងគិតថាប្រុសៗអាចរៀនបានស្រីក៏អាចរៀនបានដែរ"។
យុវតីរូបនេះជួបបញ្ហាប្រឈមតិចតូចដែរ ព្រោះជាជំនាញពុំសូវមានសិស្សស្រីរៀន ដូច្នោះពុំសូវមានទំនាក់ទំនងជិតស្និទ្ធជាមួយមិត្តរួមថ្នាក់។ ចំពោះការងារវិញកញ្ញាបានប្រាប់ថា នៅមិនទាន់គិតទេចាំដល់ពេលរៀនចប់សិន។
យុវតីទាំងពីរនេះមានទស្សនៈថា ការរៀនជំនាញបច្ចេកទេសមិនចាំបាច់តែប្រុសៗទើបអាចរៀនបាននេះទេសំខាន់ការខិតខំប្រឹងប្រែងនិងចំណងចំណូលចិត្ត។ ម្យ៉ាងវិញទៀត ការសិក្សាជំនាញបច្ចេកទេសក៏កំពុងមានការលើកទឹកចិត្តពីគ្រប់មជ្ឍដ្ឋាន ក្នុងពេលដែលទីផ្សារការងារក៏សំបូរច្រើន៕
ប្រភព៖Sabay
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment