ដំណឹង​ល្អ​មក​ដល់​ទៀត​ហើយ សម្រាប់​អតិថិជន​ទូរស័ព្ទ Samsung ស៊េរី S និង NOTE ជាមួយ​នឹង​ការ​បង់​រំលោះ​មិន​មាន​ការ​ប្រាក់

បន្ទាប់ពីក្រុមហ៊ុន Samsung បាន​ប្រកាស​​ចេញ​​នូវ​​កំពូល​​ស្មាត​​ហ្វូន Galaxy Note 8  ដែល​មាន​​ពណ៌​ខ្មៅ និង ពណ៌​មាស​រួចមក ដំណឹង​ថ្មីមួយទៀតក៏បានមកដល់ ដែលវាគឺជាពេលវេលាដ៏ពិសេស​មួយ​សម្រាប់​អតិថិជន​​របស់ Samsung ក្នុងការយកទូរស័ព្ទដៃត្រកូល S និង ត្រកូល Note ជំនាន់ថ្មីយក​ទៅ​ប្រើ​ប្រាស់​ហើយ ដោយ Samsung បាន​បង្កើតកម្មវិធីថ្មីដោយបង់រំលោះស្មាតហ្វូនទាំង S8, S8+, Note FE និង Note 8 មិនគិតពីការប្រាក់អ្វីទាំងអស់​សម្រាប់​អតិថិជន​របស់ខ្លួន។

ការផ្តល់ជូនពិសេសនេះ នឹងចាប់ផ្តើមឡើងពីថ្ងៃទី 01 វិច្ឆិកា ដល់ថ្ងៃទី 31 ខែធ្នូ ឆ្នាំ២០១៧ នៅតាម​ក្រុមហ៊ុន​ Samsung​ និងដេប៉ូចែកចាយចំនួន 62 កន្លែង ទូទាំងខេត្តក្រុង ដែលមានស្លាកសម្គាល់ ឬមាន​បុគ្គលិក នៃធនាគារឯកទេស អ៊ីអន នៅរង់ចាំបម្រើសេវាកម្មបង់រំលោះជូនលោកអ្នក។ គួរបញ្ជាក់ដែរថា អតិថិជន​នឹងត្រូវបង់ប្រាក់ត្រឹមតែ 30% មុនប៉ុណ្ណោះ ចំណែកឯ 70% ទៀត នឹងត្រូវបង់រំលោះ ក្នុងរយៈ​ពេល 6 ខែ ជាមួយការប្រាក់ 0% ដោយក្រុមហ៊ុន Samsung បានសហការជាមួយធនាគារឯកទេស អ៊ីអន។

Galaxy S8 & S8+:

ស្មាតហ្វូនទាំង 2នេះបានចេញលក់ កាលពីខែ ឧសភាកន្លងទៅ ជាមួយនឹងអេក្រង់លាតទំហំ 5.8 អ៊ីង សម្រាប់ម៉ូឌែល S8 និង ទំហំ 6.2 អ៊ីង សម្រាប់ម៉ូឌែល S8+ ជាមួយនឹងកម្រិតបង្ហាញ 2K។ ស្មាតហ្វូន​ទាំង 2 នេះ ប្រើប្រាស់បន្ទះឈឺប Exynos 8895  មាន Ram ទំហំ 4GB​សម្រាប់អង្គចងចាំទំហំ 64GB និង Ram ទំហំ 4GB​សម្រាប់ អង្គចងចាំ 128GB ចំណែកកាមេរ៉ាខាងក្រោយគឺមានទំហំ 12MP​ និង ខាង​មុខទំហំ 8MP។ Galaxy S8 & S8+ ដំណើរការដោយប្រព័ន្ធប្រតិបត្តិការ​ Android 7.0 (Nougat)។

Galaxy Note FE:

ស្មាតហ្វូននេះបានចេញលក់ កាលពីពេលថ្មីនេះ បង្កើតឡើងសម្រាប់អតិថិជន ដែលនៅតែស្រលាញ់ស៊េរី Note 7 ដោយវាអេក្រង់ទំហំ 5.7 អ៊ីង ជាមួយនឹងកម្រិតបង្ហាញ 2K។ Galaxy Note FE ប្រើប្រាស់​បន្ទះ​ឈឺប Exynos 8890  មាន Ram ទំហំ 4GB​ ចំណែក​កាមេរ៉ាខាងក្រោយគឺមានទំហំ 12MP​ និង ខាង​មុខ​ទំហំ 5MP ​ដំណើរការ​ដោយ​ប្រព័ន្ធប្រតិបត្តិការ​ Android 7.1.1 (Nougat)។

Galaxy Note 8:

ស្មាតហ្វូននេះ ទើបតែបានចេញលក់កាលពីពេលថ្មីនេះ  ជាមួយនឹងអេក្រង់លាតទំហំ 6.3 អ៊ីង ជាមួយ​នឹង​កម្រិតបង្ហាញ 2K។ Galaxy Note 8 ប្រើប្រាស់​បន្ទះ​ឈឺប Exynos 8895  មាន Ram ទំហំ 6GB​ ចំណែក​​កាមេរ៉ាភ្លោះខាងក្រោយគឺមានទំហំ 12MP ទាំង 2 គ្រាប់​ និង ខាងមុខទំហំ 8MP​ ដំណើរ​ការ​ដោយ​​ប្រព័ន្ធប្រតិបត្តិការ​ Android 7.1.1 (Nougat)។

ដូច្នេះសម្រាប់ប្រិយមិត្ត ដែលតែងតែគាំទ្រផលិតផលរបស់ Samsung ពិសេសអ្នកកំពុងដក់​ចិត្ត​ស្រលាញ់​ Galaxy S8/S8+, Note FE និង Note 8 ទាំងអស់ គប្បីទៅបង់រំលោះចាប់ពីថ្ងៃនេះតទៅ ដើម្បី​កុំអោយ​ឱកាស​ដ៏ល្អនេះ រំលងផុតទៅអោយសោះ!

ប្រភព៖Cambo-report